Աշուն է, անձրև… Ստվերներն անձև
Դողում են դանդաղ… Պաղ, միապաղաղ
Անձրև՜ ու անձրև …
Սիրտըս տանջում Է ինչ-որ անուրախ
Անհանգստություն…
Սպասիր, լսիր, ես չեմ կամենում
Անցած լույսերից, անցած հույզերից
Տառապել կրկին.
Նայիր, ա՜խ, նայիր, ցավում է նորից
Իմ հիվանդ հոգին…
Անձրև է, աշուն… Ինչո՞ւ ես հիշում,
Հեռացած ընկեր, մոռացած ընկեր,
Ինչո՞ւ ես հիշում.
Դու այնտեղ էիր, այն աղմկահեր
Կյանքի մշուշում…
Դու կյա՛նքն ես տեսել, դու կյա՛նքն ես հիշում —
Ոսկե տեսիլնե՜ր, անուրջների լո՜ւյս…
Ես ցուրտ մշուշում.
Իմ հոգու համար չկա արշալույս —
Անձրև՜ է, աշո՜ւն…
1․ Բանաստեղծությունից առանձնացրո՛ւ․
ա․ բնության նկարագրությունները
Աշուն է, անձրև, ես ցուրտ մշուշում։
բ. հերոսի տրամադրությունը, զգացողությունը
Ոսկե տեսիլնե՜ր, անուրջների լո՜ւյս… Սպասիր, լսիր, ես չեմ կամենում
անցած լույսերից, անցած հույզերից տառապել կրկին.
Սիրտըս տանջում Է ինչ-որ անուրախ
Անհանգստություն…
2․ Գտի՛ր այն պատկերը, որի մեջ, քո կարծիքով, խտացված է հերոսի հոգեվիճակը։
Նայիր, ա՜խ, նայիր, ցավում է նորից
Իմ հիվանդ հոգին…
Անձրև է, աշուն… Ինչո՞ւ ես հիշում,
Հեռացած ընկեր, մոռացած ընկեր,
Ինչո՞ւ ես հիշում.
3․ Բնութագրի՛ր քնարական հերոսին (ստեղծագործության հերոսին)։
Տխուր էր և միայնակ։
4․ Անգի՛ր սովորիր բանաստեղծությունը։