1․Շարունակի՛ր հետևյալ մտքերը: Աշխատի՛ր քո ձևակերպումները և իմ հարցադրումները վերածել տրամաբանական հաջորդականություն ունեցող տեքստի: Տեքստը պետք է ունենա սկիզբ, ընթացք և ավարտ: Փորձի՛ր տեքստային ձևակերպումդ հետաքրքիր և յուրահատուկ դարձնել:
- Ի՞նչ եմ հասկանում «դաստիարակություն» ասելով…
- Դաստիարակված եմ համարում այն մարդուն, ով…
- Ես փորձում եմ լինել դաստիարակված, որովհետև…
- Դաստիարակված մարդը չպետք է…
- Երբեմն ես անում եմ այն, ինչ դաստիարակված մարդը չպետք է անի…
- Դաստիարակված լինելը կարևոր է, որովհետև․․․
- Դաստիարակության գործում մեծ դեր ունի (ունեն)…
- Ուզում եմ ստանալ այնպիսի դաստիարակություն, որ…
- Դաստիարակված լինելու չափանիշներն են․․․
- Դաստիարակությունը չի կարող սահմանափակվել ընտանիքով, որովհետև…
- Սիրում եմ դաստիարակված մարդկանց, որովհետև․․․
- Դաստիարակված լինել չի նշանակում․․․
Դաստիարակությունը մարդու ներքին մշակույթի և դիմագծի հայելին է։ Ի՞նչ եմ հասկանում «դաստիարակություն» ասելով․ ինձ համար դա դիմացինին հարգելու և սեփական արարքների համար պատասխանատու լինելու կարողությունն է։ Դաստիարակված եմ համարում այն մարդուն, ով բարեկիրթ է, լսող ու կարեկցող։ Ես փորձում եմ լինել դաստիարակված, որովհետև հարգանքն է առողջ հարաբերությունների հիմքը։ Սակայն դաստիարակված մարդը չպետք է լինի կեղծավոր կամ խախտի այլոց սահմանները։ Երբեմն ես անում եմ այն, ինչ դաստիարակված մարդը չպետք է անի՝ հույզերից դրդված անհամբերություն եմ ցուցաբերում, բայց աշխատում եմ ուղղել սխալներս։ Դաստիարակված լինելը կարևոր է, որովհետև դրանից է կախված հասարակության հանդարտությունը։ Այս գործում մեծ դեր ունեն ինչպես ընտանիքը, այնպես էլ դպրոցն ու միջավայրը, ուստի դաստիարակությունը չի կարող սահմանափակվել միայն ընտանիքով։ Դաստիարակված լինելու չափանիշներն են ազնվությունը, զսպվածությունն ու էմպատիան։ Ընդ որում՝ դաստիարակված լինել չի նշանակում լինել թույլ կամ լռել անարդարության դեպքում։ Ուզում եմ ստանալ այնպիսի դաստիարակություն, որը ինձ կտա ազատ միտք և բարի սիրտ։ Սիրում եմ դաստիարակված մարդկանց, որովհետև նրանց կողքին քեզ լսված ու գնահատված ես զգում։